بن الطيب 2012
محمد أبركــــــان
كالك اسيدي هاد العام الناس في ابن الطيب كيفكرو في البرلمان ديال 2012 معرفناش علاش ؟؟؟ فكرو هاد العام بكري، خوفا ان يفكر غيرهم نيابة عنهم كما وقع في الفترات السابقة، يختار ليهم شي برلماني من دوك السياسيين ديال اخر الزمان لا وجه ضريف و لا نسب شريف، او عمرهم ماشفوا شي برلماني ديالهم من نهار تزاد البرلمان الى يومنا هذا، كاين بعدا شي وحدين و الله قالوا انهم لا يعرفون اي اسم من اسماء السادة البرلمانيين على جهة الريف، و ها هم يفكرون الان في اختيار من سيمثلهم بانفسهم و لن يتدخل اي كان في شؤونهم، اوا زعما برافو الى داروها ولكن ما نعرف حيث السوق ديال الانتخابات كيعرف تذبذب الاسهم فيه الصح و العيان و كما كنشوف بعيني المجردة العيان كيمثل شي 80 % و كتبقى 20% في المائة هي اللي كتشد في الكلمة، اما الأخرون كيفضلو قرعة د الزيت أ خنشة ديال الدقيق حسن لهم من وجه برلماني نزيه، ادافع على المصالح ديالهم هو الاول ...ولكن عندهم الحق شي مرات كتلق السادة البرلمانيين اللي دازو و لا اللي عندنا دابا كلهم جاو عندنا او قالوا لينا غنديرو لكم الطريق، الماء الضو الملعب زيد او زيد......الخ اصحاب لنا هاد الشي بالصح او كيحلفوا بالله بأنهم ملائكة تقناهم، من انهار ربحوا مشفناهم لا في العيد الصغير و لا العيد لكبير، او حتى في التلفزة باش ابينوا لينا الكمارة ديالهم مكيحضروش في الجلسات البرلمانية، لأنهم مكيفقهو لا في السياسة و لا في الدبلوماسية البرلمانية ما الأحرى من مراقبة الحكومة و المالية اللي مكيفهمها غير زعيم و اللا كريم و اللا مرضي الوالدين.
اوا شنو كنتسناو اش غنديرو بشي وحدين ابحال هادو، الى ما عندناش احسن بعدا نتهناو من هاد البرلمان او يخليونا في 2012 انفكرو في رمضان اللي غيجي مع الحرارة ديال بصح.
واه، اش غنديرو بهم بارك علينا غير الزيارة ديال سيدنا اجي عندنا مرة في العام ادير لينا اللي بغينا مخصنا برلماني و لا هم يحزنون، او واه هاد الناس اللي فالبرلمان اش دارو على المستوى المحلي ديالهم لو كان كل برلماني اصاوب غير حدا دارو لأصبح الريف اجمل بلد في المغرب، و لكن مع الأسف يستغلون منصبهم البرلماني في أشياء أخرى كاهتمامهم بمشاريعهم الخاصة و انشاء مزيد من العلاقات التي تعود عليهم و على ابنائهم بالنفع و الخير اما المواطنين و المسؤولية غير خليها لمواليها.
دابا شي وحدين بغاو يتصلوا ببرنامج مختفون ديال القناة الثانية اقلبوا على هاد البرلمانيين الى مبانوش ميسالو والو، اخليوا الناس ادروا شغلاتهم، ولكن دابا الاشكال عندنا النقص في مشروع برلماني حيث من الصعب اختيار مرشح يستحق الوصول الى قبة البرلمان ليدافع عن حقوق المواطنين و يمثلهم احسن تمثيل، المهم 'يصبح او يفتح' الى والو انسلفو شي واحد من الحسيمة نديرو معاه الكونترا اندتيرميني احسن من والو و الا انسلمو الأمور لتراكتور او نتهناو احسن لينا من هاد التمرا كاملة، انخليوا الياس العمري افكر الا عجباتو الفكرة انخرجوها للواقع.
زعما هاد المرة غيكون التغيير حسب مكيقولو....
صراحة صراحة انا ما زال ما فاهم والو واش كاين شواحد مكيعرف والو كيقدم للبرلمان معرفناش باش محزم واش بتحماريت و اللا بشكارة......او هاد المرة يمكن اصحاب شكارة ماعندهم ميديو راه العربون بدا كيبان على شكل زلازل، لعل و عسى يعطيوا الفرص للناس الغيورين على المنطقة، او راهم ابداو كيفكروا في هاد الشي مزيان حيث كاين شي مناضلين ديال بصح بغاو اجيبوا داك تراكتور ديال العمري احرك شويا هاد الارض السعيدة، و ختاما كما يقول المثل الامازيغي " اشري اذهار اكســــــــــــــــــــدي"
كالك اسيدي هاد العام الناس في ابن الطيب كيفكرو في البرلمان ديال 2012 معرفناش علاش ؟؟؟ فكرو هاد العام بكري، خوفا ان يفكر غيرهم نيابة عنهم كما وقع في الفترات السابقة، يختار ليهم شي برلماني من دوك السياسيين ديال اخر الزمان لا وجه ضريف و لا نسب شريف، او عمرهم ماشفوا شي برلماني ديالهم من نهار تزاد البرلمان الى يومنا هذا، كاين بعدا شي وحدين و الله قالوا انهم لا يعرفون اي اسم من اسماء السادة البرلمانيين على جهة الريف، و ها هم يفكرون الان في اختيار من سيمثلهم بانفسهم و لن يتدخل اي كان في شؤونهم، اوا زعما برافو الى داروها ولكن ما نعرف حيث السوق ديال الانتخابات كيعرف تذبذب الاسهم فيه الصح و العيان و كما كنشوف بعيني المجردة العيان كيمثل شي 80 % و كتبقى 20% في المائة هي اللي كتشد في الكلمة، اما الأخرون كيفضلو قرعة د الزيت أ خنشة ديال الدقيق حسن لهم من وجه برلماني نزيه، ادافع على المصالح ديالهم هو الاول ...ولكن عندهم الحق شي مرات كتلق السادة البرلمانيين اللي دازو و لا اللي عندنا دابا كلهم جاو عندنا او قالوا لينا غنديرو لكم الطريق، الماء الضو الملعب زيد او زيد......الخ اصحاب لنا هاد الشي بالصح او كيحلفوا بالله بأنهم ملائكة تقناهم، من انهار ربحوا مشفناهم لا في العيد الصغير و لا العيد لكبير، او حتى في التلفزة باش ابينوا لينا الكمارة ديالهم مكيحضروش في الجلسات البرلمانية، لأنهم مكيفقهو لا في السياسة و لا في الدبلوماسية البرلمانية ما الأحرى من مراقبة الحكومة و المالية اللي مكيفهمها غير زعيم و اللا كريم و اللا مرضي الوالدين.
اوا شنو كنتسناو اش غنديرو بشي وحدين ابحال هادو، الى ما عندناش احسن بعدا نتهناو من هاد البرلمان او يخليونا في 2012 انفكرو في رمضان اللي غيجي مع الحرارة ديال بصح.
واه، اش غنديرو بهم بارك علينا غير الزيارة ديال سيدنا اجي عندنا مرة في العام ادير لينا اللي بغينا مخصنا برلماني و لا هم يحزنون، او واه هاد الناس اللي فالبرلمان اش دارو على المستوى المحلي ديالهم لو كان كل برلماني اصاوب غير حدا دارو لأصبح الريف اجمل بلد في المغرب، و لكن مع الأسف يستغلون منصبهم البرلماني في أشياء أخرى كاهتمامهم بمشاريعهم الخاصة و انشاء مزيد من العلاقات التي تعود عليهم و على ابنائهم بالنفع و الخير اما المواطنين و المسؤولية غير خليها لمواليها.
دابا شي وحدين بغاو يتصلوا ببرنامج مختفون ديال القناة الثانية اقلبوا على هاد البرلمانيين الى مبانوش ميسالو والو، اخليوا الناس ادروا شغلاتهم، ولكن دابا الاشكال عندنا النقص في مشروع برلماني حيث من الصعب اختيار مرشح يستحق الوصول الى قبة البرلمان ليدافع عن حقوق المواطنين و يمثلهم احسن تمثيل، المهم 'يصبح او يفتح' الى والو انسلفو شي واحد من الحسيمة نديرو معاه الكونترا اندتيرميني احسن من والو و الا انسلمو الأمور لتراكتور او نتهناو احسن لينا من هاد التمرا كاملة، انخليوا الياس العمري افكر الا عجباتو الفكرة انخرجوها للواقع.
زعما هاد المرة غيكون التغيير حسب مكيقولو....
صراحة صراحة انا ما زال ما فاهم والو واش كاين شواحد مكيعرف والو كيقدم للبرلمان معرفناش باش محزم واش بتحماريت و اللا بشكارة......او هاد المرة يمكن اصحاب شكارة ماعندهم ميديو راه العربون بدا كيبان على شكل زلازل، لعل و عسى يعطيوا الفرص للناس الغيورين على المنطقة، او راهم ابداو كيفكروا في هاد الشي مزيان حيث كاين شي مناضلين ديال بصح بغاو اجيبوا داك تراكتور ديال العمري احرك شويا هاد الارض السعيدة، و ختاما كما يقول المثل الامازيغي " اشري اذهار اكســــــــــــــــــــدي"
