NadorCity.Com
 


الروتين قاتل الشعب


الروتين قاتل الشعب
بقلم : مستوني بوثفذنين

عرفتو شنو, شي فيروس ما شي تا لهيه دارب لبلاد هاد ليام, خليكم من ش1 ن 1, هداك هانية لمغاربا مولفين بجميع أنوع أرواح ذدمعون ذوخرور.

هاد لفيروس شي حاجة فشكل معندوا لا سمية لعبو سطاش.و قايس الشباب بجهد,و لسولت أش تاتعود كيجاوبني لملال الروتين كاره مكاين ميتعاود.....

و معا خوكم عزيز عليه إشمشم لخبارات درت الدرسات ديالي باش نعرف منين جاي هاد الفيروس دروتين لقاتل الشعب بطريقة فشكل.

قلت معا رساتي ميكون غير كنشربوه, معا داك لما ديال سدي سقاية مباينش ليا فيه, معرفت واش كدار ليه شي تصفية و لا والو,ساعة مصدقاتش لقيت لما ديال سدي سقاية مافيه والو غير شوية ديال لمكروبات نتاع شركة لكاينة فبعرورو و صافي .

من بعد شفت قولت بحال والو إكون جاي من مليلية, سبانية تكون مصيفطاه لنا معا رها نايضة سباط بنا و بنهم سعا والو ملقيت تا شي لعيبة غير شي مخازنية و جدارمية ديرن شرع يديهم, دور معاهم و دهنهم شوية دخل تاقنبولة ماسوقهمش .

قاضية حامضة,واخا هكاك معكزتش و بقيت كنشمشم قلت معا قبي بحال والو إكون مول لفيروس شي فقيه و لا شي سحار سعا والو لفقها و سحار مقابلين غتوكال و التضباع و ما جوارهما كيدبرو على رزقهم بلكدوب.

بانتلي نتطلع لصبيطار الحسني نسول شي طبيب بحال والو إكون عندو شي جواب ,سعا فين فين أمعلم معرفت واش سبيطار ولا خربة و لا زريبة, لحاجة لولا شي 3 دسوايع و أنا كنساين سي طبيب مكاينش كاليك عندوا شي خدمة فكلينيك,ثاني حاجة ما عندهم تا ليبرا و لخيط و تا خاربي والوا. و أنا ندير بناقس,قولت هادو ما عندهم تا باش يداويو الناس عاد يعرفوا شي لعيبة على فيروس الروتين.

تا صافي كرهت و ما لقيت تا شي ستون يعاوني نعرف شنو هو السبب ديال الروتين لقاتل الشباب ديلنا و مخليه مريض من لداخل ديالو و ما حس به تا واحد و مخلينوا عايم بحرو لي دارو ليوم يعاود ليه غدا تولات عندو الدنيا باسلة بحال شي مارميطة بلا ملحة و لا شي أتاي بلا سكر.و باغي غا إمتا تسالي حياتو و بسباب هاد الروتين ولا تا يجيو ليه شي أفكار فشكل بحال التفكير في الإنتحار و كيجيب ليه الله بحال شادو بوكباس.

وتا صافي كنت غنقلب على هاذ القضية بانلي لبلان و شكون مول هاد الفعلة ,و الله إلى أنا مكلخ كانت باينة غير أنا معطاونيش و صافي. مولها أسيدنا هو سي عباس و رباعتوا .عرفتوا بعدا شكون هو عباس و شكون رباعتوا,إيه هما هادوك لعلا بالكم عباس لوزير الأول و رباعتوا هما ديك جقلة ديال لوزارة لمعاه,بإختصار الحكومة هي المسبب و الراعي الرسمي لفيروس الروتين و الملال فالبلاد.

محيت ما بغاش تنود و تعري على كتافها و دير لهاد الشباب خدمة يتلها فيها و يبدل الروتين ديال لبطالة و مباغاش دير لهاد الشباب الأمل فالحيات و مباغاش تكاد دوك المقررات التعليمة ديال جوج دريال و مباغاش تصلح الرياضة لولنا فيها شوهة و تبهديلة ومبغاتش دير شي تلفازة عوض ما تضحك علينا ضحكنا و مبغاتش تخلينا نحتج على حقنا و مبغاتش نرجعوا لغتنا ثمازيغت و مبغاتش نكونو بحالنا بحال الشعوب لخرين.

إهيا عببيس مكفاكش فيروس النجاة لحطم أمال ألاف الشباب زتي لنا فيروس الروتين و الملال و باغي تخرج على كاع الشباب و الله ما نتعاتق معاك و خا يبقا عرق واحد فيا أعبيبيس و تا ديك ربع ديالك لشادا لبندير و كتغني العام زين حسابها مع الشعب عسير بلخوخ و البنان.

ملحوظة: ساينوني كول صمانة عبر هاد الزاوية لزغبها الله مستوني بوثفذنين ديما غيكون حاضر ياله تهلاو ليا فريوسكم و حديو من الروتين



1.أرسلت من قبل maryam في 08/12/2009 21:28
hhhhhhhh mabihch

en tt facon ca va continue

2.أرسلت من قبل mtalasi man ain zeura في 11/12/2009 18:44
اين وجدت هده الفلسفة الكادبة الم تستحيي حتى اتديا علينا وقتنا حشوما عليك






مستوني بوثفذنين

3.أرسلت من قبل berrbuch في 11/12/2009 19:44
أسلوب متميز، أدعوك للحفاظ عليه لكن مع قليل من الإختصار، بمعنى لا تكتب مقالات طويلة يصعب على القاريء متابعتها حتى النهابة، عليك بالإيجاز و سوف تصنع مكانتك بكل تأكيد

4.أرسلت من قبل mourad oslo في 11/12/2009 21:03
sellam alikouem . wollah ta kayna andek hadi .. bravo a sba3. rak gay f trik . ri zid lkadam..oe khali 3lik lfirous .chouf .rak m3alem yellah tla7

5.أرسلت من قبل mohtam min kharij alwtan في 12/12/2009 15:10
asbab ghiyab al hayawaya fi al hayt 3nida acha3b almaghribi -khassatan chabab- lam yab9a fi al mas olin aladina yosayyirona al balad badrato hob al watan wa hob acha3 la yominona la bilhisab wala biyawmi al9iyyama ,la ihsasa wa la cho3ora wala damir ,la rahma wala chafa9a fi 9olobihim,law kana fihim fa9at hob attarikh litadkorahom al ajyal al 9adima walhaliya kama hawa achan binnisba liyosof ibno tachafin 9aido almorabitin al amazighi walmowahhidin walmarinayyin wassa3diyyin wassa3diyyin alladina khallafo lana makanatan marmo9a banya al omam allati kanat takhafona hata 3ahd al imratoraya al 3othmaniya allati wasalat hata al jazair fatawa99aft khawfan mina al maghrib watarikhihi al botoli ,kadalika al isti3mar wasala ila al jazair watawa99afa ,falawla mobarrir wa dari3ato al himaya ma kaa lilmaghrib ana yosta3mar ,bil idafati ila tari9 ibno zayad wa mohammad 3abd al karim al khattabi wa rijalatihi anadak ........

6.أرسلت من قبل ABDESLAM LAMAZIGH في 14/12/2009 10:07
BRAVO BRAVO BRAVO
achihfad arabbi inchallah i3ajbayi attass wallah , ijan arhacht waha ma3lik itorid stmazight ocha khdanni adifham wiyfahman , mai almohim yachna 20sur20 et ani ghazzat , watasra cha i inni ghatadja thandacht g jaddif , tanmmert i ayuuuuuz khak awma

7.أرسلت من قبل famoso.famoso-famoso في 14/12/2009 15:15
tbarkallah 3lik kandan billa almisaje dyal kayawsal ....bravo rak bikhir tabi3 3ala hada annahj i7tiramati


i7tiramati ghatawsal ...

8.أرسلت من قبل faysal في 14/12/2009 19:56
bravo rak taht falviros nichan walakin 9alab 3la tal9ih dyalo












المزيد من الأخبار

الناظور

فتح الناظور يعود من "النادي السالمي" بفوز ثمين وغال يقوي من حظوظه في شأن البقاء

حادثة سير مروعة بين الناظور ورأس الما تسفر عن إصابة أربعة أشخاص بجروح خطيرة

بالريفية.. الداعية المهدي علوش يذكر عبر خطبة منبرية بالرعاية الواجب تقديمها لكبار السن في مجتمعنا

شباب ناظوري يبدع في إخراج فيلم قصير يحكي مأساة الحراكة في الوصول إلى أوروبا

أشغال تهيئة شوارع الناظور بالإنارة العمومية تتواصل بتأثيث وسط المدار الحضري بمصابيح حديثة

بينهم متورط في جريمة قتل.. تفكيك شبكة متخصصة في تهجير البشر من سواحل أركمان

الجرودي يدعو الوكالة الحضرية بالناظور إلى الأخذ بآراء غرفة التجارة والصناعة والخدمات