NadorCity.Com
 


الدم حمر و عروق خضراء


الدم حمر و عروق خضراء
مستوني بوثفذنين

معرفتش علاش شي مرات كنشوف، بلي مجموعة منا مفيهش ديك الروح الوطنية ،و ديك الغيرة على الوطن و ما مسوقش كاع لهاد لبلاد،بحال إلى تقول ماشي أرض ديالو و لا الوطن ديالو.و كانقارن بينا حنا ولاد هاد الوقت و الناس دزمان و كيفاش كانوا كيدافعوا و عندهم غيرة كبيرة,وكيفاش ضحاو بالحياة ديالهم باش تستقل هاد لبلاد,و تا كيفاش ناضلو من بعد الإستقلال باش تولي لبلاد مزيان و يزولو منها الشفارة. كيفاش كانت تا تجيهم التبوريشة ملي كيسمعوا الأناشيد الوطنية,كيفاش كانو والدينا كيبكيو منين تا يربح عويطة شي سباق و كيتشوك لهم لحم ملي المنتخب كيلعب,وأي حاجة تتقال على لبلاد خايبة كانت تتعصبهم و تتخليهم كاعيين.و كانقول يا حصرى على ليام دزمان و ناس زمان,ولين وخا هكاك مزال كاين وحد النسبة فيها الروح الوطنية و هي لغتهز هاد لعلام ديال هاد لبلاد لعزيزا علينا وخا معطيانا والو

و كنعذر أنا دوك لنقصات ليهم الروح الوطنية محيت تا هاد المسؤولين لعندنا قتلو لنا الروح الوطنية بالزبايل ديالهم و الأخطاء ديالهم. أما عبيبس الفاسي خلاص كيقولنا راه المغرب فيه غير ولادو و عائلتو

و صافي أما حنا ماشي من هاد لبلاد.

لكن رغم ذلك مكيبقاش سبب باش ما تكونش عندنا روح وطنية بلعكس خصنا نبينو ليهم بلي لبلاد بلادنا و المغرب ديالنا كاملين ماشي ديال طبقة معينة و لي تعدا لنا على بلادنا كيتعد علنا كان من برا ولا من لداخل.و نقولو ليهم راه بلادنا هادي بغيتو و لا كراهتوا،دم حمر و عروق خضراء بحال رايت بلادي ,درابو حمر و نجمة خضراء



1.أرسلت من قبل shiraz-españa في 31/12/2009 17:08
السلام عليكم

مع احتراماتي:لم ارى في حياتي شخص غَسْ :ثِفَذْنِينْ سَثْمازِخْتْ, ارَسْ سْثْغَبَشْتْ....رَعْجَبْ

2.أرسلت من قبل jawad belasem في 01/01/2010 11:34
هاكا نبغي خويا بوثفذنين //اموا اخسغ اتينيذ// المسؤولين ديالنا اللى قتلوا لينا الروح الوطنية ديالنا ---ولكن مع كامل احتراماتي للاخ بوثفذنين شكون هاد المسؤولين اللي كتقصد -في مقالك السابق القيت اللوم على الاجهزة الامنية في شخص الدكتور جلماد .وهذا حطا فاذح اخ بوثفذنين ///لان الدور ديال الاجهزة الامنية هو حماية امن واسقرار الدولة اما اما الروح الوطنية قتلوها المسؤولين ديالنا حنا كمواطنين والذين انتخبناهم لخدمة مصالحنا وبناء مستقبلنا وهذا هو دورهم بالتحديد بصفتهم ممثلوا الامة كما سبق وان وظحت للعديد من الاخوان الكرام ...//انا تنقولها صراحة ليس لدينا ممثلين داخل قبة البرلمان بغرفتيه وانتم تدركون ذالك بلا شك // بل لدينا ممثلين بهذه الصفة بالذات ممثلين //الاخ بوثفذنين قلت في مقالك السابق للدكتور جلماد رئيس المنطقة الامنية -جمع الدراري ديالك -انا شحصيا معرفتش باش نرد عليك - وهاذ الكلام هذا شجع الكثير من المواطنين لكي يدفعوا بالقول بان رجال الامن شفارة وقطاطعية ومرتشون ....الا السي بوثفذنين راك غالط وكتغلط الناس .///انا براسي الى طلب مني البوليسي مبلغ مالي مقابل عدم تحرير مخالفة كنمتثل ليه بكل فرح وكانكول ياربي يفرج على خويا -علا ش- حيت انا عارف المهزلة ديال الاجر ديالوا ...الى معوناهش حنا ولادوا ميقراوش وبناتوا كذالك ويقدر يمرظوا نفسانيا علاش حتى هوما ما يلبسوش بحال قرانهم وعلاش ميكملوش الدراسة ديالهم بسبب عدم قدرة تحمل هاد رجل الامن اللي كتكولوا عليه مرتشي ....-ياك النبي صلى الله عليه وسلم قال --الظرورات تبيح المحظورات - اوا هاحنا فيها .الممثلين ديال الامة هوما السبب وفي الاصل حنا السبب .//عرفتوا الفكرة ديالي انا شخصيا // شتوا ديك الزيادة فالرواتب ديال الوزراء وكتاب الدولة وحتى داك الراتب ديال البرلماني --ماشي مقبول وغير وا قعي وليس منصفا على الاطلاق ...شتوا داك -حارس الامن خصوا على الاقل يبدا خدمتوا ب 5000درهم ومقدم شرطة ب 7000درهم ومقدم رئيس 9000درهم وظابط الامن او ظابط الشرطة القظائية ب10000 لان هادوا هوما اللي متواجدين فالميدان ومحتكين بالمواطن اكثر من غيرهم من ذوي الرتب // اى لكراد// ..../////هذا هو اللعب ديال بصح منين مشا سعادة الوزير غلاب وجاب لينا مدونة من سويسرا عوض اجيب لينا قانون خاص برجال الامن والرواتب ديالهم وخا هاد الشي ماشي من اختصاصوا بل من اختصاص وزير الداخلية ./////////////////////////////////واه اوا كون شويا واقعي ابوثفذنين//////////////////////والسلام عليكم ورحمة الله عليكم وبركاته.

3.أرسلت من قبل rachid jabri في 01/01/2010 16:20
...وبعد السلا م.أخي جواد بالعاصم كان تدخّلك حول رأي أخينا بوثفذنين في محلِّه ولكن حديث الرسول الأ عظم عليه الصّلاة والسّلام ' الضّرورات تُبيح المحظورات لا يشمل تعاطي رجال الأمن للرشوة لهذا فقد صحّحت الخطأ بالخطأ وهذا كل ما أردت قوله .والسلام

4.أرسلت من قبل jawad belasem في 01/01/2010 18:44
الى الاخ رشيد جابري --ان قول الرسول صلى الله عليه وسلم ---//الضرورات تبيح المحضورات//له مفهوم واسع واعم وشامل .حين افادنا بقوله صلى الله عليه وسلم //المحضورات // وما دامت الرشوة من المحضورات .فان قوله صلى الله عليه وسلم //الضرورات تبيح المحضورات// هذا يعني ان الرشوة هي اصلا ضمن تلك المحضورات التي اباحها عليه الصلاة والسلام في حالة الضرورة ...وبذالك يجوز تسلم الرشوة وهي حرام طبعا في الحالة التي يكون الشخص المرتشي في امس الحاجة اليها وهذا واضح بالنسبة لرجال الامن حين يقوم الناس بنعتهم بالمرتشين ...ولا يفهمون انه في امس الحاجة لتك الرشوة .فلو كان راتبه يريحه واسرته لما لجا اليها الا من كان جشع ولا يعرف سبحانه الا قولا ...وتحية منى الى اخي العزيز رشيد.

5.أرسلت من قبل ahmed في 17/01/2010 12:36
uridu ta3li9at 3ala assayed: said arrahmuni.
rais almagles ale9limi.
chokran salam












المزيد من الأخبار

الناظور

نقابة توضح أسباب إضراب عمال "فيكتاليا" عن العمل وشل حركة النقل الحضري بالناظور

جمارك بني أنصار تحجز كمية مهمة من "الويسكي" في سيارة قادمة من مليلية

مسنة عمّرت 116 سنة عاصرت المجاهدين إبان إستعمار الريف تتحدث عن رعاهذ أوعاروي

بعد تصنيفها كخامس أجمل وجه في العالم.. الفنانة الناظورية حنان الخضر تنافس حول لقب هذه السنة

طائرة قادمة من مالقة بقيت عالقة في سماء مليلية أكثر من ساعة وتسببت في إرتباك الرحلات الجوية

مثير.. رئيسة جماعة بالناظور تتسبب في إقصاء فريق كروي محلي من المشاركة في عصبة الشرق

جمارك معبر "باريو تشينو" توقف شابا بعد ضبط 480 غرام من مسحوق الكوكايين بحوزته